الفصل الخامس بقلم يارا رشدي قصه جديده
!! هو اتصل بيكي قالك كده
حركت راسها بالنفي وهتفت
مش محتاجه يتصل هو مظهرش ولا اهله محدش ظهر وبكلمه مش بيرد
_ فين ناس قرايبه تحت ماعدا مامته وبابه اكيد هيجوا معاه حسام لا يمكن يعمل كده
_ لا يعمل يا فادي يعمل علشان ياخد حق ريم مني
قالتها وهي علي وشك البكاء
_ انتي هتعيطي علي حاجه لسه محصلتش بس يا نيره كده وشك هيتبهدل والمكياج هيسيح مټخافيش حسام بيحبك بجد ولا يمكن يعمل كده
اهو شوفتي يا بومه محصلش حاجه والراجل جه
تجلس ريم برفقه اخيها وعلي ملامحها السخريه شقيقتها تتزوج من حسام !! يالسخريه ..
_ شوفت الدنيا يا امجد لفت ازاي وراح خد نيره
قالتها الي اخيها ليقول هو
انتي زعلانه ولا ايه كان قدامك زمان ورفضتيه
_ يغيظك !!
حركت راسها بتاكيد وهتفت
اه طبعا امال هيكون ايه الي عجبه في نيره يعني فاكر اني كده هتغاظ واندم اني ضيعته من ايدي
_ ما يمكن بيحبها وانتي مش في دماغه اصلا
يحب مين نيره !!!
_ حلو اوي يا شريف اتعزم علي خطوبه بنتي زي الغريب
قالها مراد پغضب ليقول شريف
لانك غريب فعلا جبتهالي زمان وهي عيله واتنازلت عنها مكلفتش نفسك حتي تيجي تزورها مره كل سنه يا عم ده انت حتي مبعتش مصاريفها انا الي ربيتها وصرفت عليها انت ملكش اي حاجه في نيره عن اذنك هروح اشوف المعازيم
ربيتها ربيتها خلاص عرفنا متعملش فيها شهيد
_ افردي وشك يا روحي انتي عروسه وقاعده في خطوبتك مش في عزاء
قالها حسام وهو يميل براسه ناحيه اذنيها لتقول نيره بانفعال مكتوم
اتاخرت ليه ! ومبتردش علي موبيلك ليه كنت بتفكر طبعا تخلع وتسيبني في الخطوبه علشان تاخد حقك
_ انت اتاخرت وحازم بردو اتاخر يوم كتب الكتاب ومظهرش
قالتها بحزن واضح تنهد حسام فهي ممتلئه بالكثير من العقد بداخلها ...
_ ڠصب عني والله واحنا في نص الطريق ماما
اكتشفت انها نسيت شنطتها ف رجعنا تاني حقك عليا انا غلطان كان مفروض ارد عليكي لما رنيتي ثقي فيا يا نيره انا عمري ما هجرحك ابدا
ابتسمت نيره وهي تقول
ولا تغدر بيا زيهم
طبع قبله علي يديها ثم قال
ولا هغدر بيكي
_ هتف سليم وهو ينظر الي حسام ونيره
والله حلو هي تعيش حياتها وانا بيتي يتخرب واخسر مراتي
_ ونيره مالها يعني هي الي قالت ل اشرقت تتطلق منك ولا ايه !
قالها فادي ببرود ليقول سليم بعصبيه
كله من تحت راسك يا ساډي يا مريض
_ ارفع في صوتك ارفع في ناس لسه مسمعتش هناك ارفع صوتك يا راجل كمان
_ انت جايب البرود ذه منين !!!
نظر فادي الي نيره وهتف بابتسامه
عارف نيره كانت خساره فيك متستاهلش واحده زيها ولا تستاهل حبها الي زي نيره عايزه واحد زي حسام مش شايف حاجه غيرها برغم كل الي عرفوا مبعدش عنها
_ شوف انا بحكي في ايه وانت بتحكي في ايه
قالها سليم پغضب
ضحكت ريم وهي تنظر الي حسام ونيره
شوف بيعمل ايه فاكر ان بالحركات دي انا هتغاظ
_ ريم حبيبتي فوقي هو مش شايفك اصلا وبطلي كلامك ده علشان منير ميسمعش وياخد لباله
قالها امجد لتقول ريم
مش شايفني ازاي امال هو خطب نيره ليه !
_ يمكن علشان بيحبها مثلاااا يعني
_ يحب نيره علي ايه هو مسالش براه وعرف تاريخها ولا ايه !
_ ملناش دعوه يا ريم خلينا في حالنا
صمتت ريم وهي تنظر الي نيره هاتفه بداخلها
وايه يعني حتي لو بيحبك ميهمنيش كان قدامي زمان ورميته يعني انتي كده يا روحي اخدتي البواقي بتاعتي يلا مش خساره فيكي
