حور ورحيم الجزء الاول
المحتويات
جد..لاكن درس وتعلم في القاهره وحاليا يعتبر هو من اكبر مصدرين الفواكهه في مصر والدول العربيه وبعض الدول الاجنبيه..حيث يمتلك في بلده مزارع كثيره ..بعد وفاه والده جده سلمه كل شغله وبقي هو اللي شايل كل حاجه من صغره بيحاول وبجتهد واتعلم وكبر المزارع وفي وقت صغير رحيم بقي عنده شركه من اكبر شركات تصدير الفواكه.. رحيم رغم صغر سنه بس كان عنده طموح كبير ومن يومها بقي هو المسؤول الاول والاخير وجده سابله كل حاجه يديرها من كتر ثقته في وفي ذكاءه .رحيم مثقف ومتعلم سافر دول كتير عربيه واروبيه اي حد يشوفه ميصدقش انه صعيدي ومبيثبتش انه صعيدي غير لما يلبس الجلبيه والعمه... جده اتنازله عن العموديه بعد رفض دام كتير بينه وبين جده واخيرا وافق بسبب لح جده الدائم.
امجد وساره بيحبو بعض جداااا وهيتجوزو
رحيم ليه اتنين صحابه ابن عمه امجد.. وده عايش فالصعيد من صغره ورغم انه متعلم بس مقدرش يعمل زي رحيم لانه كان بيحب ساره جدا ومحبش يبعد عنها ابدا .
البارت الاول...
في اوضه مظلمه..لايدخلها نور ولا هواء.. اوضه مخيفه جداا مليانه كراكيب تشبه المخزن في حشرات وفيران ..اوضه تقبض بمعني الكلمه...كانت بطلتنا نايمه عالارض..ايدها ورجليها مربطين كدمات في كل جسمها وكأن جسمها من كتر الضړب والتعزيب مصبوغ باللون الاحمر والازرق.. الډم في مناخيرها وفي بوئها وبصوت ضعيف جدااااا
حد يفتح طيب نورولي النور والنبي.. .حور بدموع.. افتحولي بقي والنبي عايزه اطمن علي ماماااا...
ودقايق والباب اتفتح....حور سامعه بس مش شايفه حد بسبب الضلمه اللي بقالها اسبوع فيها...
خاڤت وانكمشت في نفسها وابتدت ټعيط وصوتها يعلي شويه..
حور...والنبي كفايه ضړب انا تعبت خلاص انا ھموت في ايديكم انا بس عايزه اشرب واطمن علي امي وبعدها كملو الانتو عايزينه...
اجفلي خشمك.. اني فرحه بت عمك..اجفلي خشمك متفضحيناش...
حور... فرحه.. ساعديني لو سمحت.. وانا مش هجيب سيرتك والله العظيم..
فرحه.. مااني هنه ليه عاد مااني جايه عشان اساعدك ..اسمعيني زين..
ابويا ناويلك علي نيه هباب هو واخويا سعيد..ومصمم يجوزهولك و دخلتك عليه بعد بكره...وانتي لازمن تهربي الليله و لو مهربتيش متلوميش إلا نفسك عاد..
فرحه... جاهزه ايه.. ابويا زمانه معاود الوجت اسمعيني زين...انا اول ما اطمن ان كل اللي فالجصر نامو هجيلك واهربك من اهنه وهخرجك من الباب
الوراني عشان محدش يحس بيكي عاد...
حور.. بفرحه ممزوجه بتعب.. ماشي هستناكي يافرحه بس متتأخريش والنبي عليا..
فرحه.. مهتأخرش مټخافيشي..وخرجت مسرعه فرحه.. وقفلت وراها...
عمران ..ازيك يابت اخوي.. يارب تكوني مبسوطه عندينا هنه. صراحه اني كنت جاي اكمل عليكي بس بعد مافكرت مبقاش ينفع اضربك خصوصا بعد ما جررت اني اجوزك ولدي...ماهو مهينفعش ابوظ خلجت عروسته اكتر من اكده صوح ولا ايه عاد... وضحك هو وسعيد ابنه.. بعلو صوتهم.. اما حور كانت بتبصلهم بقرف وخوف ودموعها نازله من غير ولا كلمه....
عمران... عايزك تاكلي وتتغزي وانتي كيف المسمار اكده.. لازمن تدلعي ولدي وابن عمك وعايزك تتجدعني وتجبيلنا ولي العهد.. .. نادي بعلو صوته... بت ياسعديه...انتي ياهباب البرك..
جت سعديه .جري..... وهي مېته في جلدها من الخۏف.. ايوه اني جيت اهه...
عمران..لسعديه...عايزك يابت ياسعديه تجهزي صنيه اكل معتبره لعروسه سعيد ابني...
سعديه.. واقفه مبلمبه وفاتحه بوئها...
عمران.. جرا ايه يابت مسمعتيش عاد بجولك انجري اعملي صنيه الاكل..جك خابط..
جريت سعديه.. من ادامه بسرعه تنفذ اللي طلبه منها
خرج. صوت حور . بتعب... انا مش عايزه اكل انا عايزه اروح عند ماما ومش عايزه منك اي حاجه خلاص...
اما عمران.. فا بعد ما عرف بخبر مۏت والدتها اظاها الخبر في وشها دفعه واحده...
عمران.... لاع هتاكلي وهتشربي.. وتجومي عاد كمان وبعدين امك ايه
متابعة القراءة
