رواية اصحي يا روز(كاملة)
المحتويات
يا انسه روز
_يالهوي بيطلعوا امتا دول انت مش لسه كنت واقف الناحيه التانيه
_اصلي بطير
_ههه خفه
_طيب اقدر اقول كدا انك قپلټي الاعتذار
_لاء
_حرام ده انا حتى من الفانز بتوعك
_بجد انت متابعني على الفيسبوك
_اه وبقراء كل حواديتك
_لاكن.. لاكن دي مش مهمه
_خلاص سامحتك
ابتسم ليا ولسه هيرد اصحابو شډو يرقص معاهم كان لذيذ جميل بيعرف يعقب صايع ومحترم في نفس الوقت
خلصت الخطوبه وعدا شهور وكل حاجه رجعت زاي الاول مع اختلاف اني شيلتو من قلبي فعلآ ونزلت شغل عشان اشغل وقتي وعلاقتي ب صحبتي زاي الفل الحمدلله
_اصحي يا روز خالتك وابن خالتك على وصول..
الجمله دي انا عارفها كويس ياترى جايين يخطبو مين تاني
قومت رتبت البيت وعملت الاكل اللي مبيحبوش ورق العنب وعزمت سلمى وانتظرتهم وبعد دقايق كانو وصلو الغير متوقع بقا إن كان معاهم يوسف صاحب ياسين
كان جميل لابس بنطلون جينز اسود على تيشرت ابيض وجاكت جلد اسود الطقم ده بيدوبني لو جاي عشان يتقدملي هوافق عليه عشان خاطر الطقم الجامد اللي هو لبسو قطع تفكيري صوت خالتو وهي بتهمس جنبي بتقول
_انتي فاهمه قصدي
_لاء مش فاهمه
_طيب لو رديتي بكل صراحه وقولتي اي رايك فيه هجبلك عروسه
_عروسه اي يا خالتي انا عايزه عريس عايزه اتجوز
قولتها بصوت عالي كلهم ضحكو على كلامي رد ياسين وقال
_واحنا منقدرش نخليكي نفسك في حاجه ومن غير لف ودوران احنا جايين نطلب إيدك ل يوسف صحبي..
قولتها وسبتهم ودخلت البلكونه وانا مش عارفه اعمل اي أوافق ولا موافقش بس طريقة لبسو شيك جدآ هوافق عشان البس معاه هدومه وكمان بيقراء روايات هعوز اي تاني وكمان بيعرف يعقب يعني جود بوي وباد بوي في نفس الوقت قطع تفكيري صوت وهو بيقول
_اي يا عروسه
_ياخربيتك خضتني ازاي دخلت من غير ما احس
_واستأذنت منهم يا عم خفه انك تيجي تتكلم معايا
_اكيد امال هقوم من نفسي يعني
_امم طيب انت عايز تتجوزني ليه
_عشان هبقا عبيط اوي لو سبتك لحد غيري يتجوزك
_امم طيب هسألك كام سؤال اعتبرهم اختبار
_بعون الله انا قد اي اختبار اسألي يا جوهرتي
_جوهرتك ما علينا السؤال الأول من يسكن البحر ويحبو الناس
_اسبونج بوب بس مش عارف اسمه ثلاثي بصراحه
_برافو عليك شاطر هعديها وندخل على السؤال اللي بعده مين اللي قټ ل موفاسا ابو سيمبا
_عم سيمبا اسمه سكار باين
_ايوا برافو عليك انت ازاي شطور كدا
_طيب اعتبر كدا اني كسبت
_لاء لسه اكمل الجمله الاتيه قالها يا بيبي
_تلت مرات يا سيد تلت مرات
_امم طيب احلى مسا عليكي يا اي
_يا صفرا تعالي اشربي بيبس
ضحكنا انا وهو على اسالتي lلعپېطة على قد ما كان باين إنه شخص غامق وعميق على قد ما شخصيته عكس شكله خالص حسيتو شبهي تافه بيحب الهزار متابع الميمز عارف افيهات الأفلام حافظ لقطات من الكرتون وافقت عليه وقولت لنفسي هو ده اللي لما يبقا الماتش شغال هروح اقولو تنه ورنه شغال يقوم مغير الماتش وجايب تنه ورنه ويعملنا حلة فشار ونقعد نتفرج سوا وفعلآ فعلآ لكل قلب حبيب مكتوب علية يلقاه
_وتوته توته وخلصت الحدوته اي رايك فيها يا حبيبتي
_جميله اوي يا طنط بس بعدين ااي اللي حصل
_هيييه جميله اوي اوي
قالتها بنت صحبتي وقربت مني باستني من خدي وراحت ل مامتها وقت الشغل كان خلص
متابعة القراءة
