حكاية دكتور عز الحلقة الثالثة والاخيرة
المحتويات
مينفعش تتعمل ارجوك ياعز ابعد ارجوك انسى اللي بينا وانا هاحاول انسى.
عز كارما انا..
كارما قاطعته برجاء عز ارجوك.
عز بصلها بضيق وفي لحظة مشي من قدامها وهي دخلت اوضتها تكمل عياط واڼهارت من جديد كل ما تفتكر اللي عملته...عدا يوم اتنين وعشرة وكارما في اوضتها دبلت.. كانت طول الوقت بتحاول تعاقب نفسها من كل حاجة بتحبها حتى كلام مع اهلها منعته وكل ما تيجي تفكر في عز تنهر نفسها من جديد قفلت تليفونها امتعنت حتى عن اهلها وكل ما يجوا يسألوها ترفض تتكلم حياتها الوردية اتحولت لچحيم نفسي وعز كان بېموت نفسه في الشغل مبيروحش بيته مبيروحش في مكان الا المستشفى دقنه طلعت وحاله اتبدل مكنش قادر ميبطلش تفكير فيها ولا كان قادر يبطل يحبها... بس كرامته وجعته من رفضها ليه هو قالها انه هايتجوزها وراجل وقد كلمته بس كان مستني بس كلمة بحبك منها... كرامته وجعته منها معنى كدا انها مش بتحبه حتى مفكرتش تتصل عليه ولا تبعت مسج وهو طول العشر ايام بعتلها مسج فيها كلمة واحدة وحشتيني اوي مفكرتش حتى ترد لدرجادي حبه رخيص وهين لدرجادي.. الڠضب اتملك منه.... نانا مكنتش بترفضه بالشكل دا دي هي اللي بتجري وراه لازم يتحدى نفسه وينسى حبها وفي لحظة جنون اتصل على ابوه....
عز انا عاوز حضرتك تجمع العيلة كلها انهاردا بليل.
زين ياترى ليه عندك مناسبة.
عز بقوة اه قررت اخطب.
زين بفرحة بجد مين بقى !!.
عز هاتعرف بليل.
زين سر دولي يعني .
عز لا علشان هاقول اسمها بليل ومش عاوز اي اعتراضات من اي حد هاقول اسمها واسبابي وخلاص .
زين انت كويس صح.
عز اه كويس جدا.
زين اوك الساعه ٩ كله هايبقى موجود.
شاهين كارما حبيبتي... بصي ياستي جبتلك ايه!
كارما رفعت وشها الدبلان وعينيها المنفوخة وبصت ببطء للكيس وسكتت..
شاهين دي خامس مرة ترفضي حاجة انتي بتحبيها فيكي ايه انا هاتجنن انتي هاتخليني اروح اسال في المستشفى فيكي ايه.!.
كارما بفزع لا متروحش ارجوك.
شاهين بشك فيكي ايه انطقي.
وجهة نظري يبقى سيبني.
شاهين بۏجع اكبر لصوتها الحزين بس انتي واجعة قلبي بمنظرك دا اول مرة اشوفك كدا هو انا يابنتي غلطت لما وديتك تشتغلي في المستشفى.
شاهين طيب يابنتي انا موجود وعلى طول تحت امرك ومعاكي عوزتيني تعالي وهاتلاقي حضڼ ابوكي مفتوح واوعي تخافي مني انا لايمكن اذيكي او ازعلك ابدا.
كارما الخۏف مش منك ابدا يا بابا الخۏف من حاجات جوايا.
الساعه جت ٩ والكل متجمع في بيت زين.. وعلى حالة من الترقب الكبيرة ... عز دخل بمنظره اللي جاي بيه من المستشفى كلهم بصوا لبعض باستغراب عز على طول متألق في ملابسه وشكله...
مراد الچارحي بقلق انت كويس صح.
عز ابتسمله بضعف اه.
ليليان مالك يا حبيبي.
عز بجمود انا قررت اخطب .
عز ومش هاخطب وبس .. في الليلة اللي هاروح اخطب فيها هاكتب كتابي.
مراد الالفي رفع حاجبه ايه ياعم السرعة دي..
عز بجمود اناااا ببلغكوا علشان تبقو عارفين وبقولكو علشان لما اقول مين هي العروسة مش عاوز اي اعتراض ولا اي كلام انا حر وبراحتي والي عاوزو هايكون.
زين بحدة اتكلم باسلوب احسن من كدا هو من امتى اصلا غصبناك على حاجة.
مراد الالفي استنى بس يا زين قولي ياعز احنا هانعترض ليه!.
عز علشان مش على هواكو ولا مثلا قعدتوا تخططوا ليها...
ليليان مسكت ايد زين بسرعة ... وغمضت عينها حست انه هايقول اسم نانا وهي شايفة قد ايه هاتتعب قلب ابنها ولتاني مرة عز بيغلط نفس غلط آسر زمان....
ليان مين دي بقى العروسة.
عز بقوة العروسة تبقى.......
نانا كانت واقفة تبص على نفسها بانتصار .. دخلت خالتها..
مريم نانا انتي مش وراكي مستشفى ولا ايه
نانا تؤتؤ مفيش .
مريم مالك حاسكي متغيرة ومبسوطة الايام دي.
نانا مبسوطة اوي ولسه هاتبسط اكتر واكتر .
مريم اقدر اعرف السبب.
نانا لسه بعدين بس اوعدك قريب.
مريم المستشفى اخترك للمنحة صح .
نانا تؤتؤ لسه بردو.
مريم اوك هاستني القريب دا يقرب اكتر واعرف.
مريم خرجت ونانا ضحكت لنفسها بمكر انا مفيش حد يقف قصادي وقفتي قصادي ياكارما فرمتك وبعدتك عن حياته تغور المنحة في سبيل اثبت لامه وكارما اني اقوي منهم ومش دي اللي تاخده مثلا مني.
الكل قاعد ومترقب ومستنين عز يقول اسم العروسة... وهو سكت شوية... وبعدها نطق بتنهيدة طويلة..
عز العروسه تبقى كارما..
السعادة بانت على وشوشهم وكانهم دخلين حرب وكسبوها باصلهم لقاهم مبسوطين ومراد بيغمزله معقولة حبوها زي ماهو حبها.. لدرجادي سحرها بيأثر على اللي حواليها زي مأثر عليه.. كلهم باركوله.
زين مبروك ياعز ان شاء الله هاكلم شاهين واخد منه معاد.
عز اه قوله بكرة وقوله هاتجوز بكرة بردو.
مراد الچارحي انت داخل حامي كدا ليه يابني اتقل.
عز اسكت انت متعرفش اللي فيها .
زين بصرامة عاوزك ياعز في اوضتك.
عز هز راسه واتحرك وراه وليليان راحت بسرعة لمراد.
ليليان مراد لو سمحت روح وراهم وحاول تمشي الامور وزين ميعدنش.
مراد جوزك مبيحبش حد يدخل بينه وبين عياله..
ليليان انت مش حد يا مراد .
مراد قام راحلهم وخبط ودخل....
زين باصله وبعدها بص لعز ايوا بقى قولي ازاي ادخل على الراجل بالمأذون.
عز زي الناس ياابابا هو انا رايح اشتمه انا رايح اتجوز بنته.
مراد ابوك قصده في اصول لازم نراعيها.
عز دي شكلياات انا بحبها وعاوزاها.
زين بنرفزة متعصبنيش ايه بتحبها وعاوزها دي حبها لنفسك في اصول مينفعش نتعداها ابدا لازم نقدر الناس كويس وبعدين ابوها من حقه يفكر اذا كان موافق عليك والا لأ.
عز هو ابوها ماله انا هاتجوزها هي مش ابوها وبعدين هو انا اترفض.
زين اه تترفض عادي ولو جاي تتجوز بنتي بالشكل دا مش هاوافق واطردك برا.
مراد اصبر يا عز كلام ابوك صح احنا لينا دخلة تانية.
عز بنرفزة وانا مش هاستني الداخلة ولا الاصول ولا الشكليات واتزل لغاية ماتبقى على اسمي انا هاروح لابوها دلوقتي.
زين بحدة انت الظاهر اټجننت .
عز ولاول مرة يقف قدام ابوه اه اټجننت وهانفذ اللي في دماغي.
عز خرج وسابهم وخرج من البيت كله تحت انظارهم...
زين بص لمراد ايه الجنان دا .
مراد قرب منه وابتسم عز وقع في الغرام.
زين بس مش كده يامراد شوية عقل.
مراد عقل ايه يا زين اه وانت هاتعرفه منين وانت جتلك على الطبطاب وفي ثانية كانت مراتك مش انا اتعذب واتخطبلها خمس سنين وكمان اتجوزها خمس سنين وتمثل انها مېتة
زين بصله پصدمة تعرف وانا قاعد مع ليليان انهاردة شرقت كام مرة واتاريك انت الي حاسدني احسدني في اي حاجة فلوس شغل اي حاجة غير مراتي وعيالي دول ثروتي الحقيقية.
مراد بضحك مش هاحسدك لانك عشت لوحدك كتير وعانيت كتير زيي ودي مكافأة ربنا ليك زي ما ربنا كفأني بسارة وكاميليا ويحيى .
زين طب بمناسبة كاميليا خف شوية على ادهم.
مراد بضحك يانهار اسود دا انا قعدته اسبوع نايم في اوضة تانية وانام انا جنبها لغاية ماتفق مع الزفت مراد واخدوها مني.
زين ضحك ضحكو عليك.
مراد بشرود انا يتعلم عليا ومن مين من عيالك ....
فلاش بااااااااااك .
ادهم بضيق بقولك خنقني مبينميش جنبها مراتي وممنوع منها انا مسافر كمان ٢٠ يوم يا مراد وعاوزها بجد.
مراد بملل ماتاخدها ياعم هي مش مراتك.
ادهم حظي اسود كل ما اجاي اكلمها ټعيط وتقولي بابا وابوك واقفلي بالمرصاد.
مراد معلش.
ادهم اه انتو هاتحسو ازاي ما ميرا بتاعتك لوحدك ولا اب ينكد عليك ولا حاجة وآسر حماه وحماته بياخدو عياله وانا بيتاخد مني مراتي شوفتو النحس.
مراد يخربيت قرك ابعد عني وسبني سالك.
ادهم بغيظ مراد بجد شوفلي حل انا هاموت.
مراد طب اقفل القيادة عاوزني هاشوف في ايه وافكرلك في فكرة.
ادهم انا مستني اصل والله اطب عليك في شغلك.
مراد طيب .
مراد قفل وادهم فضل على اعصابه رايح جاي وكل الافكار السودة في دماغه مراد اتصل بعدها بساعة ...
ادهم بحماس قول..
مراد مراد عنيد فالكلام مش هاياكل معاه انت تحطله تخدير في العصير وتنيمه وتاخد مراتك وعيالك وتروح بيتك وان حد جه عند بيتك حط الغام وفجرو.
ادهم طب وكاميليا!.
مراد مالها كاميليا...
ادهم هاتقعد تقولي انت مضطهد بابا وپتكره بابا والاسطوانة الحمضانة دي.
مراد قولها ابوكي دخل ينام وقالي يالا روحو اضحك عليها ياعم بس خلي سارة تشترك معاك لانها الطرف الهادي اللي هايظبط مراد لما يفوق.
ادهم طيب انا هانزل الصيدلية.. ادعيلي.
ادهم نزل الصيدلية وجاب المخدر واتفق مع سارة بعد محيالات كتير ووافقت ونفذو الخطة زي ما مراد رسمها واخد كاميليا وبناته وروح بيته.. وساب سارة في وش المدفع... مراد فاق بليل راسه تقيلة وتعبان عرف على طول انه شرب حاجة في العصير تقلت دماغه بالشكل دا.
ومن منظر سارة المرتبك... واول ما بلغته طلعت جري تهرب برا بعدها سمعت تكسير وبيشتم ادهم...
مراد بغيظ ماشي يابن زين الچارحي مااااشي.
عز وصل بعربيته قدام عمارة كارمااا نزل
وطلع ودا كله من غير تفكير هو قدامه هدف واحد انها تكون بكرة مراته وعلى ذمته خلاص مبقاش قادر يبعد عنها خالص حبها بيكبر في قلبه وصل عند باب الشقة ورن الجرس ... فتح شاهين..
شاهين باستغراب دكتور عز .
عز طبعا انا اسف اني جيت من غير معاد وفي وقت متأخر بس حقيقي الوضع مش مستحمل.
شاهين بقلق اتفضل يا دكتور .
عز دخل وعينه بتدور على كارما وحشته هو عايش في جو عائلي وشايف عشق ابوه لامه عمره ما تخيل انه ممكن يعشق او يتجنن بسبب حبه ايوا هو اټجنن خلاص هايموت ويشوفها يملي عينه منها وحشته كل حاجة فيها صوتها هدوئها ضحكتها شكلها..
شاهين احم خير يا دكتور.
عز انتبه انا بكرر اسفي طبعا.
شاهين مفيش اسف طبعا ما بينا انت ابن الغالي.
عز طب بدام انا ابن الغالي انا عاوز اتجوز كارما.
شاهين كح نعم!.
عز ايه في حاجة غلط والا ايه!..
شاهين لا بس يعني انت قلقتيني وقولت موضوع مش مستحمل وطلعت عاوز تتجوزها وانا حاليا محتاج افهم منك براحة.
عز انا عاوز
متابعة القراءة
